ब्रेकिंग

अखेर.. वनविभागाने पंचधारा धरणाच्या काठावरील “ती” वादग्रस्त झोपडी केली उध्वस्त : झोपडीचा अनैतिक कामांसाठी केला जात होता वापर

सचिन धानकुटे

सेलू : – पंचधारा धरणातील अनधिकृत बोटिंगचे आश्रयस्थान तसेच अनैतिक कारभारासाठी प्रख्यात असलेली धरणाच्या काठावरील वादग्रस्त झोपडी अखेर वनविभागाच्या कर्मचाऱ्यांनी आज उध्वस्त केली.

तालुक्यातील पंचधारा मध्यम प्रकल्पातील विनापरवाना बोटिंगचा प्रकार चव्हाट्यावर येताच पाटबंधारे विभागाने संबधितांना नोटीस बजावत पायबंद घातला होता. परंतु येथील बोटिंगचे आश्रयस्थान तसेच अनैतिक कामांचा अड्डा ठरलेली “ती” वादग्रस्त झोपडी मात्र जशीच्या तशीच कायम होती. धरणाच्या पाण्यात विनापरवाना बोटिंगचा कार्यक्रम राबविणारा “पांड्या” अख्खा वनविभागचं आपल्या दावणीला बांधल्याच्या तोऱ्यात वावरत होता. वनविभागाच्या कर्मचाऱ्यांना आजतागायत मासोळ्या खावू घातल्यात, त्या काय फुकट नाही घातल्या, अशा वल्गना करीत होता. परंतु “पांड्या”चा अनधिकृत बोटिंगचा प्रकार उजेडात येताच पाटबंधारे विभाग जागा झाला आणि त्यांनी नोटीस देत सदर प्रकाराला पायबंद घातला. मात्र दारु ढोसण्यासाठी, आर्ट्यापार्ट्या झोडण्यासाठी तसेच प्रसंगी प्रेमी युगलांना अश्लील चाळे करण्यासाठी तयार करण्यात आलेली धरणाच्या काठावरील झोपडी जैसे-थे होती.
“पांड्या”चे भक्त असल्याने वनविभागात काही कारवाईची धमक नव्हती. एव्हाना ती वादग्रस्त झोपडी आमच्या अधिपत्याखाली येत नसल्याचाही कांगावा वनविभागाकडून करण्यात आला होता. शेवटी उशिरा का होईना वनविभागाला अक्कल आली आणि त्यांनी आज बुधवारला धरणाच्या काठावरील “ती” वादग्रस्त झोपडी उध्वस्त केली. त्यामुळे वन पर्यटकांसह स्थानिक नागरिकांनी समाधान व्यक्त केले.

बातमी शेअर करणायसाठी येथे क्लिक करा

Related Articles

Leave a Reply

Your email address will not be published.

Back to top button
भाषा बदला»
बातमी कॉपी करणे हा कायद्याने गुन्हा आहे